منتديات القوش الحبيبة
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى




 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 موت ضحك مع ميسم التلسقوفي_عاصمة الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاصمة_الحب
عضو ذهبي
عضو ذهبي
avatar

ذكر الثور القط
عدد المساهمات : 143
نقاط : 367
سُمعة العضو : 0
تاريخ الميلاد : 12/05/1987
تاريخ التسجيل : 17/11/2009
العمر : 30
الموقع : أمريكا_كالرفونيا الكهون
العمل/الترفيه : اللغه_وكرة القدم
المزاج : طبيعي_وشقجي

مُساهمةموضوع: موت ضحك مع ميسم التلسقوفي_عاصمة الحب   الأحد ديسمبر 27, 2009 4:34 pm

في ليلة شاعرية سأل ادم حواء
انتي تحبيني؟؟؟؟؟؟
كالتله دنام هو اكو بشر غيرك



ادم رجع من الشغل ودك الباب
حواء كالت منووووو
كال دفتحي الباب هوه اكو غيري



محشش سالو شنو اقوى حيوان بالعالم؟كال النمله كالوله ليش؟كاللهم قبل فتره ردت اطلع نمله من سويج الكهرباء بالشيش شالتني ولطتني





محشش سأل اخوه انت وين مولود؟ كلة غير بالمستشفى كلة ليش جنت مريض

اكو واحد اسود تزوج وحدة سودة صار عدهم طفل ابيض زوجها كال لزوجته رجعيه بعدة ما مستوي؟



كردي راح يشتري راشي كال الى أبو المحل عندك لبن عسكري

معلم سأل الطلاب بالصف منو يريد يروح للجنة؟ كل الصف رفع ايدة بس واحد مارفع ايدة سألة المعلم ليش أبني متريد تروح للجنة؟ كلة الطالب: أمي و أبوية كلولي من تخلص المدرسة ترجع للبيت رأسا



فتح معرض للدماغ في لندن ، كل زوار راحو للدماغ العربي حتي يشترونه ، واحد سئلهم: ليش كلكم تريدون دماغ عربي مو اكو دماغ امريكي وياباني؟،
كالو :لان دماغ العرب جديد مو مستعمل!!؟؟



فد يوم أمريكي و روسي و كردي يحجون عالتطور ألامريكي كال أحنة عدنة هليكوبترات تطير أعلى من ألغيم ! ألروسي والكردي كلولة أعلى من ألغيم؟ كال لا تحت ألغيم بأصبعين ألروسي كال أحنة عدنة غواصات تغوص 1000متر ! ألأمريكي والكردي كلولة 1000متر ؟ كال لا أقل من 1000متر بأصبعين ألكردي كال أحنة ناكل بخشمنة ! ألأمريكي وألروسي كلولة يعني بخشمكم بخشمكم؟ كال لا أصبعين جوة خشمنة



اكو محشش راح للطبيب كاله دكتور يوميه احلم بزازين يلعبون طوبه كاله الدكتور لعد لتنام اليوم كله ما اكدر اليوم يلعبون على النهائي



محشش بالبانزينخانة كاللهم اريد قنينة كالولة روح جيب فارغة وتعال كاللهم لا اشربهة هنانة



دخل مدرس الاسلاميه على الطلاب وكالهم الطموا كالوله ليش استاد كال مو عدنه اسلاميه عملي



محشش خابر وزارة الدفاع رفعوا السماعة كالو الدفاع تفضلو كاللهم انطوني الكولجي



عسكري كردي ديشرح لمام جلال:هذا المدفع يضرب من مسافة 40 كيلو
فسأله مام جلال:طيب لو كان العدو على مسافة كيلو
قال: نرجع 39 كيلو ونضرب



محشش كاعديكتب رسالة لاخوه ابنة كالة بابا انت مو ماتعرف تكتب كالةيلة بابا عساس عمك الي يعرف يقرة



مدير متحف تزوج معلمة تاريخ جابو ولد قديم


سألو اذكى حشاش بالعالم كالولة شنو العامل المشترك بين السلاح والنسوان كاللهم اثنينهم يكتلون الرجال



اصلع كلما يشوف المشط يظل يبكي ليش؟ يتذكر ايام الخير



نادي برشلونة الاسباني يتعاقد مع الرئيس الامريكي لأربع مواسم لحراسة مرمى النادي وذلك لما اظهره من براعة في صد وتلافي احذية الطائرة



تقرر بامر من رئيس الوزراء نوري المالكي ان تكون جميع اللقاءات الصحفية في الجوامع لدواعي امنية



مصلاوي سافر للخارج بعد اسبوع دزله اخو رساله وكله ارجع حالا ابوك يريدك . خاف الولد ليكون ابو صارله شي حجز ورجع للعراق وصل للبيت شاف اخو لحية عالية كله خير شكو . كله طب شوفه لابوك.. دخل بسرعة الغرفة شاف ابوه كاعد ولحيتة طويلة كعد الولد جوة رجل ابوه وكله يابة كلي شصاير.. التفت عليه ابوه وكله: ولك يول ليش ماخذ الموس وياك متكول اني واخوك بيش انزين



شاب سافر للخارج شاف اعلان حبوب ترجع العمر ليورى كال ادزها للامي وابويه حك مربوني وصلوني لهناالمهم دزها ورى فترة رجع تلكته امه راجعه شابه وبديها طفل كلها ها يمه شبسرعه جبتي جاهل كالته لا يمه هذا مو جاهل هذا ابوك المشايف شرب الشيشه كلها



محشش ورث 60 مليون اشترى رونالدو



كردي راح حفلة تنكرية…. حركَـ وجهه



محشش يقرة بصفحة الوفيات بالجريدة و يكول يا رب اسمي مو وياهم

واحد گال للحلاق: تره صارلي ساعتين هنا، الحلاق محشش ..گال له: شنو يعني؟ اني صارلي سنتين ها

.

هندي كل لعراقي بابا انت ليش ما تحرك ميت كال العراقي احنا ندفن وربك يحرك



كردي طب للأمتحان طلع دايخ ليش? لأن كاتب غش عالبنكه



واحد محشش سألوه ليش مخفف شواربك حيل قال لهم بلكي من احكها يطلعلي رصيد



فد يوم مخبل راح لحديقه الحيوانات و طبب راسه بقفص الاسد الحارس

كله مخبل شدسوي كله على كيفك قابل رح ناكله



اكو واحد فكر الدنيا كامت تمطر فلوس رفع ايده مثل الناس جان توكع القاصة فوكاه



فد يوم بخيل كلوله اتبرع حتى نبني سياج للمقبرة , فكال ليش فد يوم سمعنا ميت

انهزم ….!!!!



كردي رسب بامتحان الزراعه خله فلاح خصوصي

فديوم عراقي وروسي وامريكي سألوهم شنو اسرع شي؟؟ الامريكي كال الضوء والروسي كال التفكير والعراقي كال الاسهال .. لاين اذا اجاك لاتلحك تشعل ضوة ولا تلحك تفكر

.

غبي شاف هاي العلامه (!) گله لصاحبه هاي شنو؟؟

گله هاي يعني ميصير تبول هنا حتى ولو نقطه



واحد دخل للكهوه …وطلب استكان جاي وكلاص ماي….جابله ابو الكهوه الجاي والمي …شرب المي وكام ايخوط بالجاي بس شاف بالجاي ذبانه…. كاله خالي هاي ذبانه بالجاي؟ باوعله ابو الكهوه .. وضحك ..كاله هوه الجاي ب25 دينار قابل اخليلك فخذ دجاج؟؟؟



محشش يسولف مع صديقه و جته فكره و قل للصديقه..خل انصير فنانين تشكيليين..انت تشكيلي و انا اشكيلك



محشش طلبت منه المحكمة اوراق ثبوتية البيت جابلهم صورته ديغسل الكراج



محشش شاف اخته ويا واحد كال اليوم ويا واحد باجر راح تدخن



واحد محشش صار عصبي على صاحبته كتبلها شعر

ليش انت هيج وياي .. ليش انت هيجي من صرت هيج وياك .. صرت انت هيجي



محشش كمشوه الشرطه.. شغلوا الانذار.. گللهم لك خل نگلب .. كبسه

شيخ جامع محشش وجعه راسه.. أخذ حبايه أسبرين ومالگه ماي.. تيمم

واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة



محششين ثنين قلدوا سيارة النجده.. واحد يصيح: ويو وييو وييو.. والثاني يصيح: أحمر أزرگ…أحمر أزرگ



حشاش عطس … صاحبه گح.. گلله ليش تغير الموضوع؟



شيخ جامع دخل على جماعه يحششون.. گاللهم: حرام عليكم.. گالوله كلهم: وعليكم الحرام ورحمة الله شيخنا

.

محشش يسوق سياره ..وگفه شرطي المرور گال له إجازتك؟..گلله: أي حشيش؟



محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟



محشش عوّز .. دز إبنه يجيب عوازه.. أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه هنانه براس الشارع



محشش راح للمطار يستقبل أبوه باس الجنطه وشال أبوه



حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟

حشاش ضرب صديقه راشدي، گال له: لك هذا صدگ لو شقه؟.. قال : لا صدگ.. گال إي

عبالي.. لإن أني ما أتحمل الشقه



واحد مصلاوي كتب على باب بيتو لا ترن الجرس أنا كل شوي بطلع و بشوف



مصلاوي گاعد بتاكسي : السائق گاله ابو الشباب تعطلت السيارة مصلاوي گال أوقف العداد

.

مصلاوي وابنه وكف تاكسي مصلاوي گال بي شگت توصلني لي بيتى السائق گال 5دناير مصلاوي گال وإبني السائق گال بلاش مصلاوي گال لعد وصل ابني بس



افلام المصالوه 2008

زوجتي قنوعه .. ” خيالي ” القرار بيد الزوجه ..”فكاهي” معزومه على عرس

..”رعب”الذهاب للسوق ..”دراما ” ليش متأخر.”حربي” حماتي عندنا.. ” أكشن”



مصلاوي دا يبني بيت فجاب للعمال علج و كاللهم من تكملون العلج كولولي حتى اجيبلكم الاكل



مصلاوي گالوله أتبرع لبناء سياج للمقبره گاللهم ماسمعنا فد يوم ميت منهزم



اكتشف العلماء البريطانيين ان الابو بريص اصله تمساح لكن قام بتربيته واحد مصلاوي



أربع مصالوه لعبوا مونوبولي … محد اشترى شيء

مصلاوي جاب حبر انتخابات بالعيد ليش؟؟؟حتى محد ياخذ جكليت مرتين

مصلاوي دز ابنه على تلث گرص خبز من رجع الابن گاله ابوه : بابا رجّع وحده امك ماتت

.

تلث مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟



مصلاوي حط فلوس بالبنگ.. يوميه يمر ويدگ عالتنكه يخاف لينام الحارس

.

مصلاوي واگف بالبلكونة… إبنه إجه من بعيد يصيح: بابا بابا بابا بابا… گاله: ولك .. ابن الكلب.. بابه وحده كافي

.

مصلاوي مات… لگوا بوصيته مكتوب ( آني غاسل.. لا تغسّلوني

).

مصلاوي د يموت.. شاف ولده كلهم يم راسه.. گعد گال: مناعيل الوالدين كلكم هنا.. لعد منو بقه بالدكان؟



مصلاوي زوّج ابنه.. گاله: بابا.. تره هذي إنته وأخوتك بيهه

.

مصلاوي گل: لإبنه إذا نجحت أراويك واحد يشرب ببسي

.

مصلاوية محششه تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟



مصلاوي مات ابوه… گلله المغسلچي انطيني 1000 دينار مال الغسل. گال: إشدعوه؟ قابل مغسل بي أم؟



مصلاوي مات ابوه حط لافته بالسوگ: يونس ينعى اباه ويصلح الساعات

.

مصلاوي بالسوگ أبنه گلله : بابا أحب النستله… گلله: بابا حبهه ورجعهه

.

مصلاوي تزوج راح شهر العسل بوحده

.

من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل



مصلاوي أحترگ بيته دگ عالأطفاء مره وحده وسد التلفون

.

مصلاوي گال:إذا إجاني ولد أصوم خمس تيام.. صار عنده ولد.. صامهن.. وره فتره مات الولد.. گال: إلا أخصمهن من رمضان

.

مصلاوي گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه

.

مصلاوي گال لجهاله اللي ينجح هالسنه اراويه سيارة الموطا

.

مصلاوي سأل مرتة إشطابختلنهة اليوم؟ گالت باگلله ودهن، گاللها حــــيل!! طبختين بفد وجبه؟

مصلاوي بنه بيت… كتب عالباب: (ع) الحسود بيهه (أ) عود

.

مصلاوي طاح من السطح.. هوه وواگع مر على شباچ المطبخ.. گل لمرته: لتحسبين حسابي عالعشه



مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف… بالليل گام باگ فوسهم ، الصبح گاللهم: اللي مضيع الألف مالته ميتريگ اليوم



مصلاوي مات وخلف 24 ولد و 2650 دينار… لكوه كاتب بالوصية: إشتروا بيهن صندوگ بيبسي وتقاسموه بيناتكم



شتاقيتولك كثيغ غتو اخابرك بس بطلت قلتوا ماطول انت بقلبي عليش هالمصاريف الزيدي ( عاشق مصلاوي



افلام المصالوه

انباك جزداني … رعب دايني فد دينار … خيال علمي وكع ربع بالبلوعه … مغامرات انطيني عيديه … كوميديا



مصلاوي اجة يمة خطار كلة متغدي كلة لا والله كلة حرامات لو متغدي جان صبيتلك جاي



مصلاوي ديحجي وية خطيبته، كالتله :خلص رصيدي دك عليه! كاللهاا:إحنا وصلنا طريق مسدود ولازم نفترق



ثنين من الناصرية مسلحين لزمو واحد كلولة انت ويانة لو وية الباقين ؟؟ كللهم اني وياكم كالولة احنا الباقين



ناصريه بالسينما، ماكو غيره وواحد لاخ.. گام گعد وره ذاك وگلله: بلكي شويه تدني راسك اخي

.

ناصرية أعمى، تبرعتله مرته بعينهه.. وره العملية گللهه: وفوگاهه عوره؟ گام طلگهه

.

واحد ناصريه أبوه مانطاه عيديه … كتب عالباب: يعيش الزرقاوي

.

جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟



شيخ جامع من الناصريه قرر يسوي محاضره للعميان عنوانهه: نعمة البصر

.

ناصريه صب لأبوه گهوه.. گلله ابوه: شخبار الخباثه؟ گلله: نص الدله ديتول



أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟ گال: ماگولن…. بكيفي

.

واحد ناصريه گل لحرامي علمني البوگ واعلمك النذاله… الحرامي باگ محفظه گدامه گلله شوف شلون ابوگ .. يلله علمني خباثه… الناصريه گام يصيح: حرامي…. حرامي



ناصرية صوّر الدفن مال ابوه بالفيديو.. كل شويه يراويه لأمه.

أمه همينه عالعناد كلما تشوف الفلم تگوم تتحمر وترگص

.

ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل

.

ناصريه يوصي ولده: ما أوصيكم بالخباثه ويلادي …الخباثه الخباثه.. ثم الخباثه. گالوله: ولايهمك… لمن مات ذبوا جثته بالزباله

.

تلاثه من الناصريه رادوا يبوگون بنك، فقسموهه بيناتهم: واحد يبوگ و واحد يراقب …….. وواحد يروح يبلغ الشرطة

.

ناصريه فتح مدرسه للخباثه.. لما كمل عدد الطلاب سدهه

.

ناصريه شاف واحد يحترگ .. إنتظر شويه وراح طفاه.. گال: حته يعيش مشوه

.

واحد ناصريه… طرده أبوه من البيت… كتب عالباب: مقر حزب الدعوه الرئيسي

.

واحد ناصريه لگفله رقم موبايل مال جني..گام كل شويه يدزله مسج (بسم الله الرحمن الرحيم

).

واحد ناصريه ببرنامج طلبات الاغاني گال: وأهديها الى صديقي بمناسبة وفاة والدته



واحد من الناصريه عينوه مدير شرطه غير رقم النجده من 111 الى 940984356743653429860

صرصر من الناصريه عزم جماعته عالعشه يمّه..أول ما إجوا..سحب السيفون عليهم

.

حرامي من الناصريه طب لبيت يبوگ مالگه شي..خابر رقم بأمريكا وخله السماعه مرفوعه للصبح

.

واحد من الناصريه إشتغل مدير دار الأيتام..گاللهم راح أسوي أجتماع مجلس الآباء



واحد من الناصريه سوه حفلة زواج.. وزع بطاقات بيهه الجمره الخبيثه

.

ناصريه فتح شركة بيبسي كتب عالبطل: رج القنينه جيداً قبل الاستعمال

.

واحد ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم

.

واحد أمّه من الناصرية اخذ دبة الغاز يعبيها گاللها : إدعي لي يمّه، گالت : الله يفتحها بوجهك وليدي



.

ناصريه اشتغل بالدفاع المدني گام عبا خزانات الاطفاء بانزين بدال الماي

.

ناصريه أفرار عايش بغير مدينة تبرع لجيرانه بدم … اليوم الثاني گام ذاك بلغ عليه

.

ناصريه دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف عله أعلى درجه وطلع

.

واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم



ناصريه لگه حراميه يتقاسمون گال انطوني حصه وما ابلغ عنكم هالإسبوع

.

واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة

).

واحد ناصرية سمع أكو مجاعة بأفريقيه ،گام دگ رقم لاعلى التعيين بالصومال، وتدريع وسد السماعة

.

مصلاوي راح للناصرية… گاموا وين مايشوفوه يمزگون فلوس گدامه

.

واحد من الناصرية إسمه رزق الله…. صار عنده ولد سماه گاطع

.

واحد ناصريه ديموت.. بآخر نفس ويوصي ولده بالخباثة… أخير شي راد يتشاهد، گام الزغير سد حلگه

.

ناصريه شاف واحد يصيح: راح أغرگ الحگلي يمعود … گاله: أخي هذا يومك وهذي إرادة رب العالمين… تعذرني



واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل



قاضي بالناصرية حكم على أحول يلظم أبر خياط مؤبد.

فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية



مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفر موانع



ناصرية واگف بالباص شاف وحدة موحلوه ضحكلهه هي هم كيفت وضحكتله، غمزلهه غمزتله.. گاللهه بالمنطقة الجاية إنزلي.. نزلت گعد بمكانهه



فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم



واحد من الناصرية شاف وحدة سودانية دترضع ابنها كال هنياللك اشرب كابتشينو





واحد ناصرية عنده سرطان كال لابنه اذا متت كول جان عندي ايدز ، علمود امك محد يتزوجهه



كاكا جلال زعل من العراقيين وراح يعيش بلندن فد يوم وهوه يتمشى بشوارع لندن وية الجلب مالتة فد واحد صاح عليه كاكا كاكا الله يساعدك …مام جلال استغرب وگلة انتة شلون عرفتنى انى كاكا گلة مو شاد الجلب من ذيله



كاكا جلال صدر قرار جمهوري : اللي يفجر نفسه ينعدم



أقوال السيد الرئيس مام جلال : لو كانت الأبقار تطير لصعب حلبها

مرة السيد الحكيم سأل جلال طلباني كلة كاكه انتو ليش تسمون الولد انتي و البنية انته؟

كله مام جلال :لا علوية ماكو هيجي حجي



سألوا مام جلال: كم سورة بالقرآن؟ كال: كاكا وين بيه صور،أشو كله كتابة



فد يوم مام جلال عازم الحكومه كلها عالعشه خابرته مرته كالتله الحكلي حرامي نزل علينه …. كاللها مستحيل كلهم عازمهم يمي عل عشه



فد مرة جلال طلاباني مسافر بطيارة وماخذ وياه البغبغاء مالته ومخليه على چتفه اجته المضيفة تساله العفو هذا الحيوان وياك؟ چان يرد البغبغاء: اي هذا الحيوان ويايه



فديوم جلال طالباني راح زار امه بالمقبره فكعد يبجي على كبرها ويقره قران وادعيه ومن كمل تفّل على كبر امه. الحرس الواكف ساله كله ليش سيدي تفلت؟ كله مو هيه كلتلي اذا صار براسك خير اتفل عليه



سألوا مام جلال: أين يكثر التمر في العراق؟ گـال: في الكليجة



امريكا عرضت على جلال الطالباني انو راح يسوون الكهرباء دفن تحت الارض… رفض جلال كال خطيه العاصفير وين يكعدون



امر الرئيس الطلباني بتحويل اسم (قوات بدر)الى قوات (بيش تمن) ليتم اتحادها مع قوات (البيش مركة)لتصبح قوات(بيش تمن ومركة) للقضاء على الدليمية في اطار الخطة الامنية الجديدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سوسو التلسقوفية
عضو نشيط
عضو نشيط
avatar

انثى الميزان الكلب
عدد المساهمات : 783
نقاط : 1027
سُمعة العضو : 0
تاريخ الميلاد : 11/10/1994
تاريخ التسجيل : 02/09/2009
العمر : 23
الموقع : تللسقف
العمل/الترفيه : الانترنيت
المزاج : طبيعيه كلش

مُساهمةموضوع: رد: موت ضحك مع ميسم التلسقوفي_عاصمة الحب   الإثنين ديسمبر 28, 2009 11:44 am

يسلمووووووووو وردة عالموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الحب
مديره العامة
مديره العامة
avatar

انثى العقرب الكلب
عدد المساهمات : 2738
نقاط : 3868
سُمعة العضو : 0
تاريخ الميلاد : 30/10/1994
تاريخ التسجيل : 05/11/2009
العمر : 23
الموقع : دوله ملها حبيبي لي بل حزن والدموع
العمل/الترفيه : الرسم و كتابت الاشعر
المزاج : طبيعي جداااااااا جداااااااا

مُساهمةموضوع: رد: موت ضحك مع ميسم التلسقوفي_عاصمة الحب   الثلاثاء ديسمبر 29, 2009 6:52 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسد عينكاوء
عضو مبدع
عضو مبدع
avatar

ذكر الاسد الثعبان
عدد المساهمات : 2019
نقاط : 2327
سُمعة العضو : 0
تاريخ الميلاد : 08/08/1989
تاريخ التسجيل : 29/08/2009
العمر : 28
الموقع : تركيا
العمل/الترفيه : دراسة\ الرياضه
المزاج : طبيعي

مُساهمةموضوع: رد: موت ضحك مع ميسم التلسقوفي_عاصمة الحب   الجمعة يناير 29, 2010 12:42 pm

يسلمو حبي عاشت ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موت ضحك مع ميسم التلسقوفي_عاصمة الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القوش الحبيبة :: ~*¤ô§ô¤*~الاقسام العامه~*¤ô§ô¤*~ :: منتدى عام قسم منوع (المنبر الحر)-
انتقل الى: